| |
Que es "Memorization Software Reviewed"?
Iste sito contine analyses critic de 200
programmas de computator, utile pro apprender vocabulario
o, plus generalmente, informationes breve expresate in forma de questiones e responsas ("flash cards").
In le Galeria del Programmas Recommendate
vos trovara le programmas plus potente!!!
Tamben il ha disponibile le catalogo complete de tote le programmas recensite, ordinate del A al Z.
Qual es vostre criterios
de evalutation?
Contrarimente a multe popular sitos commercial que offere recensiones e discargas (downloads) de programmas ab
le Internet, nostre probas seque standards stricte, que vos pote consultar in le pagina Criterios del Tests.
Le characteristicas requisite les pote esser resumite in: efficacia pedagogic, flexibilitate functional e commoditate de uso.
Un factor decisive pro le efficacia pedagogic de un programma es le possibilitate de apprender selectivemente,
pro concentrar le effortio super le punctos plus difficile.
Le psychologo german Sebastian Leitner proponeva un methodo raffinate e totevia simple pro complir iste objectivo.
Consiste in reclassificar un carta de question/responsa ("flashcard") in un nivello de difficultate,
secundo le cognoscentia del studiante, cata vice que illo es vocate in un session de studio.
| |
Tu sape le responsa correcte
Tu non te rememora le responsa |
|
|
Iste systema permitte un grande rentabilitate
con un minime effortio de planification.
Le flexibilitate functional de un programma se monstra in le possibilitate de extender
su uso a fines varie: illo debe permitter le edition confortabile de contentos in qualcunque lingua, le inclusion
de archivos de multimedios, e configurar le sessiones de studio amplemente, secundo le necessitates personal del
usator.
Le commoditate de uso de un application implica le existentia de combinationes
de claves (keyboard shortcuts) ben eligite.
Proque tu publica iste
sito?
Iste sito trahe su origine de notas personal. Ma probar programmas face perder multe tempore, e io voleva facer
gratia a alteres de un labor tan ingrate.
Le redactores de multe sitos web commercial non
ha competentia pro evalutar programmas
educative. Ultra illo, multe recensores es facilmente impressionate per le decorationes multimedia, in loco de
examinar le exigentias real de cata disciplina concrete. Illo es critic in modo special re programmas educative.
A causa de isto, io crede que esseva necessari plenar iste niche in Internet.
Si vos vole collaborar al popularisation de iste sito, vos pote locar un ligamine (link) in vostre pagina del Internet:
In Liga a nos
vos trovara plus detalios.
Gratias! :-)
|
|
